3.0引退嚕......

自從由5証趺到落0証...再由0升返到3証...又趺到落2証...覺得自己係咪要轉DECK呢
有時打得真係好灰...因為冇啦啦由贏變輸...每次ONLINE都係見到個幾套DECK
真係打到悶...真係好唔想去打...原因唔係因為怕輸
自從3.0開始就打光嘉DECK差唔多都打左有3張IC啦...亦由更新IC個時既40%勝率升到最高54%
當中真係比左我好多快樂~係2.0或2.1的時代每逢ONLINE見到其他機鋪既高手
我都會怕輸而讓比M哥或筆記打...到3.0後E個情況已經少左好多
因為自己覺得越害怕既野就應該越要克服佢~_~
所以就算輸都自己打,有時輸左都會同身邊既朋友討論應該點打先好......
不過而家真係好少好少打機~唔知點解
可能開始覺得悶了...而且係上位既世界裡亦只有來來去去的幾套DECK
真係悶到冇人有...可能3.0卡真係好少好少啦
令到可組DECK既卡牌少左...從而主流DECK就只有哪幾套啦
自己張IC亦好少打...就算而家落到機鋪都係睇人打多過自己打
有時反而睇D低品打機仲開心過睇頂上~因為係"品"既世界裡咩DECK都有
雖然都有主流既個幾套DECK但係真係好少~有時睇佢地打真係有好多驚喜
而且自從更新左3.0後已經有好多人都少打或者引退左嚕
雖然都有好多新血加入但係玩既人就買少見少
以前落去機鋪4部3國機都要排隊...而現在就係4部都係吉機/.\
個差別真係好大...唔通3國真係末落?
而我亦決定左引退3.0嚕...因為3國再帶唔到快樂比我
我亦唔想每次入錢打機都撞到個幾張卡組真係好悶
或者將來有3.1既話會打返都唔定又或者唔打~_~
而機鋪我都亦會照落食飯吹都照常~亦會轉玩馬機...原來馬機都好好玩=]
如果有其他人借IC比我玩既我都會打幾鋪既...只限"品"IC=]
我自己機鋪搞既比賽或者店內有時間既我都會玩下同大家開心下=]

非官方比賽

成個月冇打三國blog啦......因為唔知打咩好
一黎少打~二黎就算打都好少打自己張ic...冇咩信心打機啦
有時真係覺得打d下位ic係開心過打上位ic~原因唔係對手弱既關係而係deck既問題
自己又可以玩下d九唔搭8既deck~真係開心過打d黃忠wara個d
上星期6參加了三國非官方既隊際比賽~結果一回戰敗退
可能一黎緊張二黎環境既問題~開頭打得都幾好
但係中段開始就有d亂來唔知自己做緊咩
平時打機好少出既錯就偏偏係e個時候出現
可能真係少打比賽既關係啦......心情真係緊張左d
判斷力又差左...輸係合理既~賽後檢討返其實中段係應該攻既...可是自己冇留意
結果輸左...
打左咁耐3國3代真係少左好多人玩眼見今次既比賽
都係得個幾十人睇冇以前咁多人看而且參賽人數都少左
黎緊都可能再打少d嚕~~~~~~~~~~~~~~~~~~~~慳返d錢/.\

兩個星期冇打三國

已經有2個多星期冇打過3國了前日借左個fd張ic打左2場人1場電腦
感覺好似好左好多~但係個3場既deck都係online最常見既個幾套
可能太耐冇打所以唔覺得有咩問題啦.....不過都有d悶
而家可能都會打返...但係唔會係咁9打嚕...可能打1日最多1-2個討伐就算
又或者一落場打輸既就收手嚕......e 個ver 搞到好多人都冇心機玩
因為online黎黎去去都係個幾套deck對到對到悶...更何況有時又連唔到人又lag機等情況
都係打少d為妙嚕....慳返d錢=]

原來3國對我黎講可有可無....

無打一個星期3國慳左唔少錢~
原來我對3國既投資都幾大.....=[
而家慳左d錢用係其他地方...遲多個星期就換返部新電話=]
雖然而家落機鋪都有帶卡...見到部3國機都想坐落去打
但是個慾念比以前少~以前一見到部機就想即刻打返起碼一條
而家落到荷記都只係同佢地吹下水看下人地打only...=[
過左6月之後我打返都唔定又或者永遠唔打都唔定
希望到時會有個"心"去打啦~=[
近排係討論區見到d人好熱烈地討論大會
有時我唸~3國只係一只game者...唔需要打到好似上晒腦
有d人唔輸起~輸左就懶3懶買又講埋d廢話"咩早知嘜嘜就嘜嘜"
個d人真係好o 9不知所謂~有早知就一早發左達啦仲使打3國咩~~~~~

打3國係為左咩???

琴晚打3國係我有史以來輸得最多既一晚亦都係打左3國咁耐最唔開心既一晚
令我覺得而家既3國係唔係唔直得我再玩落去呢?
話說琴晚本來由5証打到得返1証就跌成晚都係霸求忠義霸求霸求
打到好悶之餘個人仲好唔開心~雖則我自己套DECK對霸求真係冇SO而且都係靠燒對手主力黎打
但係唔知咩既原因琴晚既霸求全都係高智版係霸求既固定打法入走位某程度只燒死到1只
對我而然打法要改變之餘仲要唸下點打~可惜每一場都係輸
對到忠義某程度上你打得好進取走位幾好多好對手就龜忠義打COUNT~咁打輸囉~OK?
打到灰晒~而家打機唔知係為左嘜?
為開心?打完仲唔開心
為閃咩?打完唔中仲灰...不如爆卡算
為升証或升品咩?通街都係霸求忠義打J咩
而家覺得打機真係唔知為咩~稱號只要有錢就有(除大會外)
某程度上而家落機鋪打機都係為左同一班人食飯吹水而已
或者係時間引退又或者停打3國一排啦~
而家既3.0真係黎黎去去都係個幾套堅推DECK 傷害計弱左
對於一D冇技術既玩家黎講霸求堅推都有得贏
琴晚訓唔著唸起打左3國都有成3年啦~用既錢都夠去幾次日本旅行~_~
開始打少D機存返D錢/.\

5証

今朝放工又落左去lg打左陣機 打左7場5勝1和1負 升左上5証
贏左個打呂布deck既丞相搞到佢降格=]
個場我都唔知佢打嘜...好多o9位 結果輕鬆贏左...+5%少得可憐/.\
之後打左個6連(之前3連開始打)...再入錢點知又對返個位司空(比我打左落黎wwwww)
不過e場我打得唔係咁好某幾個細位做得差中段有一個位唔應該燒結果輸左/.\
檢討:開幕唔應該比人封槍 伏放既位置應該再低d 中段未齊人唔應該壓上去...
有d位應該讓城血就解決到個問題~下次再做得好少少
之後打多3場升左証之後對到一套白銀wara...做錯左一個決定 本來有機會打到城既
最後白白死晒d人搞到要再起....
檢討:應該一早就要開左只周瑜出黎~這樣壓場力會比教好d 另外有一個位應該燒對手主力部隊
唔應該燒一只剩1/3血既非主力部隊~明知對手可以開白銀 剩返個一支槍就唔應該埋城...
要把握對手出錯既機會黎打反擊~要更了解自己套deck既特性=]
2日都係中1R...點解冇金中架>_<

偷打機=]

頭先因為有個同事冇返工所以打左一大輪電話先放到工/.\
真係要小個條友~琴日又係咁今日又係咁2條L薯=_=+++
遲收工所以心思思走左落去觀塘LG打機~
差唔多10點一個人都冇四部吉機唱左一條打
打打下多左個人係隔離打~_~
打左7場...5勝2敗...斷左之既連勝 不過最後都打返個3連
輸個2場係一場忠義一場苦樂~2場都打得差/.\
先講忠義個場7士氣個時冇壓對方黎打 搞到12士氣赤青赤~
最後防守出左小小錯誤搞到被打一下而輸~
今日打個條友好龜...開左我1只伏就頭個50c都係後場 滿士氣就拍一下忠義返入城...
攻佢唔入...真係要唸下你7士氣前先ko佢只關羽先得...下次再試下新打法先
另一場對苦樂全場對手都冇跳舞 但由於我自己太過進取開頭輸2下
但打到40c左右反勝對手之下忘記自己唔係打再起比對手拍再起出黎殺左周瑜同孫堅/.\
結果守唔住輸輸返.......如果對手拍再起我個下唔打即時走路既話唔使輸
對手都打得唔係咁好架啦...原來自己比人打得仲要差冇留意自己用既唔係再起
雖然打多一下但撤退個時死左最重要既2張key卡...唔係唔使輸啦...
今日拍特訓全1粒....可能真係同精神有關啦...1場9粒...1場7粒...全都拍到1粒=.=

4証

今日打到12連勝又斷左...輸比黃忠WARA
個場打得比較差開幕比人拆左柵...中段又受制於敵方城前智勇陣而燒得唔好
又比黃忠係咁屈白血...雖然守到4xc 但攻唔到對手比對手反攻返轉頭 最後輸左
之後又打到6連升左4証對到推舉呂布因為之前習慣左一種打法 見有位就燒
可惜今次看漏左對手冇米道 同埋當對手推舉再無雙9智滿血呂布燒唔死
雖然有做到讓城血 但係忽略左一樣野就係當對手推舉再呂布之際應該燒對手其餘既兵力
令到對手陷入兩難局面 守定攻好? 我就係冇做e樣野結果輸左
時後同人講返佢都咁同我講佢用8士 你咪一係讓城一係燒佢小朋友囉/.\
又學識左多一樣應對~下次再遇到既試下先=]

3証

今日病左...休息左成日去到6點幾出左去荷記
去到7:30左右一個人都冇只見舞王打緊龐sir就走...
之後唸緊打唔打好...最後都落左場打
開頭都打得幾吃力因為個人唔係咁舒服+食左藥
有贏有輸咁打對住苦樂又係苦手唔識打=[
之後對到套霸求5騎開幕打到4xc都仲贏緊一半城血可惜最後又係因為出錯
反輸返...燒唔死對手既曹仁=[
之後又對到套wara 打精兵集陣 又係輸左個開幕追唔返/.\
跟住對到套業務用8卦又係開幕打左佢半絛城血 最後又係返輸返/.\
跌到2証4x %=[
之後對到個同等級既用8卦5枚 開幕放伏位置問題對手左右放伏
而我一只城前右邊結果開左因為孫堅食迎擊死左比對手打左一半
結果輸左......................狀態好似嘛嘛犯錯多/.\
之後打返個9連升左上3証=]
最尾個9場都打得比較穩定~守城都明顯守得幾好仲帶一點既幸運 有幾場都贏得好險=[
今日中張角同軍c司馬(又中西金)=[

嚴重既錯誤?

今日落場打左1條左右~對到場攻城車DECK...

本應真係冇得輸但最後犯左一個好嚴重既錯誤輸左一下攻城車結果比人反勝
打得真係好肉酸~連自己都覺得打得好7...
打左咁耐3.0打得最樣衰既一場~平時笑人打得7點知真係出黎行預左要還=[
開幕打左對方1/5城血~中段我壓前對手開大量生產再加3只暴虐攻落黎最後守到
未段20C左右 對手同樣開暴虐3只落黎...係猶豫燒左定右既關係個人亂晒
腦內一片空白2支弓又左又右咁行結果比對手一下攻城車打左下輸小小
我反攻上去個時對手又一下大量生產守返住...真係好白痴
完場後比人小到7彩聽返佢地比我既意見應該係當時應該當機立段先燒一邊再守另外個邊
唉....真係好傻好7...本來打完E場升2証點知又7輸左
而另外一場我記得又係輸比暴虐

開幕又係成功打到城~中段對手2次暴虐都守到 個時贏緊1/4城血
末後對手開3只暴虐落黎...我選擇燒對手既攻城車同銀平...結果比對手爆左2次陷陣營19武
打左2下城反輸返...完場檢討...
個時應該燒對手2支槍又或者高順+1支槍就已經守到冇必要燒對手既月英
個時燒對手2支槍既話 對面2只騎就起唔到突擊 變左我2支槍可以守到
個時仲有兵法未開...冇理由輸...結果輸左
雖然最後都升到2証低總括黎講打得好差...
打左半張IC先升到1証...只從升左太尉之後討伐小左...唔通真係要打下英傑傳先?=[

終於打得返個討伐=[

自從升左上太尉之後就未試過連勝...唔知點解
打親都係贏一場之後跟住就輸返場一係就贏2場輸一場
普遍都係對到D苦樂丫~比較苦手既DECK先輸~要改下未打先輸既心態
成日見到D下風DECK我都會講:X!又係E DECK 輸緊啦...!
結果如自己所料...輸!一係就見到D 勝率得個3X.X%左右既就:易C執啦~
點知到頭來比人執~原因係自己太輕敵 點知有D細位一出錯就咁玩完
雖知光嘉DECK係細力槍既DECK往往就係因為咁樣失去寶貴既2支槍=[
打3國只要唔犯咁多錯就有機贏~又或者對手犯錯比自己多而又把握到機會就贏面高
好似琴晚咁有一場對住一個3X%勝率既對手好似9品打速號令
本以為贏緊~因為自己覺打神速比打霸求好打好多
就係因為一個犯錯以致攻唔到城迫和左...=[
話說7士氣左右對手5只落黎係中場開神速我得一支槍而另一支係城角準備開伏出黎打城
而我燒得唔靚只燒左對手1只龐德/.\.....(E下真係要鬧下自己明明燒到2只因為急左少少)
我一支槍迎擊左佢2只馬~佢2只馬即刻回城~而我個時猶豫左一下只張玄想開伏埋城但又拉返出黎
點知就開左出黎企左係度...當我發現時對手已3只回左城如果個攻既都係死/.\
就因為E個錯誤...令到E一場和左.....=[
自己打得7冇計...而另外有一場又係咁對手又係3X%勝率
打若王天啟 對手單邊壓上黎結果又係自己犯既錯輸左個兵法仲要輸多3士氣
因為要燒左對手攻城部隊...之後攻上去 亦因為自己又犯錯既關係 壓唔到中場線
最後雖然攻到城但係都係輸追唔返.......
自己犯既錯
1.太輕敵冇認真咁打
2.見到下風DECK就未打先輸
3.成日因為猶豫而搞到攻唔到城
4.計略運用仲要有代改善
5.要改一下自己控場既節奏 往往都係因為急攻而犯錯多

另外琴晚贏左個丞相佢打業務8卦~E場係唯一打得唔錯既DECK
而最都打到個討伐&中埋今都算係咁
終結琴晚打左2條幾左右 仲係1証..個%就升左8%....打得咁辛苦先升得....=[

Deck既相性?

成日聽人地就講得多~不過都唔係好識點分~_~
就自己而家打既光嘉deck試下寫相性先~(係我個人既見解...不喜請插=.=)

忠義魏延版4:6 (對過都ok~唔係咁下風 雖然難打但未至於冇得打)
忠義張飛版4:6 (對過都ok~唔係咁下風 雖然難打但未至於冇得打)
忠義雙反 2:8 (未打過...我估)
忠義左慈版 1:9 (完全唔識打白血燒極都唔死/.\)

霸求5騎 5:5 (個人覺得開幕打到城要守唔太難)
神速5騎 7:3 (對過幾場未輸過=])

黃忠wara 4:6 (只黃忠好煩/.\)
大德 (未對過/.\)
業務用8卦 7:3 (幾易打)
8卦5枚 6:4 (燒主力好重要)
桃園 (今集好少人用...而家只見到m哥同筆記用)

呂布wara(再起) 6:4 (唔太難打)
呂布wara(智略陣) 7:3 (唔打再起仲好打)
推舉呂布 7:3 (看m哥打左幾場而家識打)

苦樂wara(魯叔版) 3:7 (算係好下風既deck 打咁耐最苦手既deck之一 同忠義一樣難打)

個人見解~~~有錯歡迎指點下^____^

周瑜唔放火用黎做咩....

今日打左1條 勝率一半一半贏左2場忠義 輸返2場苦樂仲有和左場霸求5騎>_<
忠義個2場(同一個人)自己打完都覺得打得幾好 2場都做到之前想既野
雖然開幕都係打得唔係咁好但7士氣個轉燒人地6cost真係好正 打到對手差d落城
之後守就堅係好好守啦~第2次對同一對手開幕雖然守到反壓對手打左1下城邊
中段比對下反攻槍兵打返我一下~幾經辛苦守住輸一下(當時輸緊少少)
20c左右由於對手用盡士氣都要想打我一下結果我守到之餘仲要比我殺佢3cost
最後10c對手忠義3只我赤火燒對手最大武力個2場之後沖埋城最後0c騎兵城邊打一下險勝
跟住對左2場苦樂都係因為自己打得差最後都輸左~打得一pat屎咁/.\
最後一場對霸求5騎打得超on車 有得贏都唔識贏
開局我開對手幕,對手死左曹仁,賈羽,樂進,而徐晃同曹操無血回城 我一只都冇死既情況下壓上
(當時我應該先收一收入城再出會比較好d)結果我壓上去大意死左支槍
而我孫堅埋左城load緊攻城bar對手只曹操出黎磨同埋爆左神速突擊我d弓
由於周瑜唔滿血而張玄又係城冇開出黎7士氣未夠就比對手清左我場(當時亂左)
迫住爆再起守...中段大家12士氣徐晃開左張玄之後收左入城
對手離間我孫堅 蔣欽又比我淨化左~守住對手攻勢
最後20c對手中場霸求比我燒死左2只壓去攻城 最後15c對手後場拍兵軍連環
我一只都冇死既情況攻上去對手死剩徐晃...我張玄同孫堅埋左城load緊攻城bar個時仲有2c左右
我選擇左一個好錯既攻城方法就係天啟...冇燒到...結果就緊係比對手開神速粘死左張玄
磨住左只孫堅攻唔到城...和左...當時個下選擇燒既就一定打到...可惜我選錯計
唉...大好形勢比我打到咁...真係要休息下~好好咁唸下/.\
今日打完等於冇打到...雖然中金...但係做唔到野...計略既對應好差真係要好好思考下

斷連勝=[

今日打到12連...比忠義ko左/.\
仲未唸到有效既方法打忠義...真係好難打...比佢堅推推死左><
霸求都上算有得打~神速都ok好打~
升左太尉之後打機明顯係打得差左...真係要認真d打=.=
雖然光嘉令我可以打到80.1%勝率...打左咁耐3國真係第一次
而且連勝都好穩定~如果真係想練好e套deck就要好好唸上忠義點打...苦手/.\
雖然係殺到關羽就好易打...但大前題佢10武...我又細槍...真係好難打
而且今日打得好差第一場忠義有4只燒都唔燒個下就真係7左...
第二場忠義開幕算係有d優勢...但太過急攻搞到死晒
再起個下又燒唔到對手3只唔係可以打返上去.../.\
大軍師鬧得我o岩2支細槍要控好d唔好太急有好位燒個時應該要燒左先
仲有要改善下2只伏既擺位...開幕好多時就係輸e度
要再努力學下點打忠義先~^__^

升太尉

琴晚一放工就落左荷記~看人打左陣食完飯返黎見到有吉機就坐左落去打
因為想升"太尉"...唔想停留係地獄既"一品"~_~
一落場打頭2場都打得比較吃力個時5連去到第6場對就輸左比唔知咩deck又跌左武勇
個時仲係1至2品降格位置有d唔想打驚跌...最後我決定唱多一條打
初頭又係贏2場輸一場...贏既武勇都唔夠補輸個場真係好灰
之後慢慢開始打返個正常狀態出黎...有kenny同m哥小住我咁打
犯錯小左一口氣10連去到太尉戰5勝4真係幾難輸2場就玩完
第一場對忠義混吳...

開幕守得其差比人開左周瑜對手召喚兵出黎攻之後做出入城先守到
中段壓上去因為之前放左只伏係城角對手一出黎忠義太史中伏扣左一半血
個個位本來燒到3只但係我燒得唔靚只係燒左只召喚兵同周倉結果比對手守住我既攻勢
之後尾段對手開忠義3只落黎另我燒左關羽同周倉...但關羽唔死...我孫堅追上去殺佢唔到
結果因為閞羽唔死我冇法攻城...而對手一只太史係1c攻到下城邊...就咁輸左第一場
第二場對推舉呂布

根據m哥既打法打智勇兼陣~開幕守得好殺左呂布攻到2下城
之後贏住城血打~對手拍推舉我開陣略見呂布食一下迎擊就燒扮攻對手開米道我就退守殺小朋友
輕鬆地羸左
第3場對霸求4騎

開幕對手死左1只之後7士氣對手係唔滿血既情況下開霸求
我燒死佢曹操同夏候惇 3只上前攻城 一支弓同騎守龐德 之後打左對手半條城血
尾後對手攻落黎我又係燒對手2只輕鬆守住之後反攻落佢城
第4場呂布wara...

開幕打得其差比對手張梁打左下
係局攻既情況下結果輸左...=[
第一次既沖太尉失敗結果跌左70武勇
真係好灰唸過唔打第日再沖過...但最後都係又唱多一條沖多次
之後打左個4連又入到去升太尉戰
第一場推舉呂布照m哥打法打陣略輕鬆取勝
第二場8卦5枚

開幕打得好壓住對手打中段對手拍3卦我退守親對手攻落黎張玄係城角自己開伏出黎偷城打左2下
而對手再以3卦埋城~而我就讓左騎打左一下城邊之後出城3只天啟守住
對手死剩魏延返城...剩30c左手對手出城我燒左佢魏延同張飛佢再起
剩20c左右對手2卦又再3卦壓落黎剩8c左右我開天啟守
最後殺剩張飛魏延我天啟完左拍再起出
由於對手貪心騎想打中門結果只比張飛打左下結果完場對手因為只騎打唔到而輸左
打到一額汗=.=|||||打左6連個時都差不多12點幾嚕
之後個場同deck對決由m哥操刀ko左對手
第4場對手陷陣營9搭~結果輕鬆贏左

升左上太尉=]
今日真係好多謝兩位荷記既大軍師看住我打一打得錯就係咁小=[
令到我犯錯小左而又學識左點打對舉呂布=]
今日有一場打全突都好驚險~最後當然係贏左
總結由過繼到升太尉~打左大概140場近百戰勝率係76% 總勝由之前45.x%升返到51.7%=]
打左1張半ic都係用光嘉deck升上去

今日打機犯錯好多....

今日落場打左條幾......雖然上左一品但條路都好難行
而且今日打機好多犯錯...如燒3只既變左燒1只...
好多場唔應該輸既...但係到最後輸左
打到好亂...又忘記晒之前既野
個人一亂打得急左犯錯自然又多左...
希望可以連勝上到太尉啦/.\
ps.唔想係一品度打...贏10輸100...好慘/.\

升左上二品=]

今日本來約左"天水圍魔人"打店內...點知起身遲左去到條友已經走左=[
見有機冇人打...而且某君話打左條都未中咁咪落去打囉=]
開頭都打得麻麻...有幾場都差d輸...不過有個大軍師係後面看住(爪爪)總算打得都ok...XD
一代目張IC剩5回都可以打左2個討伐總算賺左XDD
之後唸住唔打...但見有閃於是就買左張IC更新左
又多一個討伐就升左上3品...又未中金=[
於是又唱左條黎打~軍師話今日對D人都OK好打只要控好少少既話XD
又打多左2個討伐12連勝...之見仲有1場又可以打升格戰上2品=]
點知對到副遠弓流星=[...心知難打可能就咁斷連勝

開幕出錯死左雙槍 對手壓落黎(徐盛 張玄 韓當 )
由於差少少就有火唸住城底火應該守到啦...點知對手開援護兵只周瑜比兩日援護兵磨死左...=[
而另一邊孫堅殺左對手韓當 同張欽入城再係另一邊出城天啟
結果輸一下張玄同援護兵城邊對手死剩亂擊同小喬就拍遠弓企左係後半場
當時見對手出左小喬心知會輸多下點知對手拍錯左亂擊...賺左XD
中段壓上去燒拆左對手一絛柵 對手拍援護兵檔...個時知可能會輸架啦打得咁龜>_<
剩返2X C我拍再起對手出小喬開流星...由於孫堅出城先引左D箭...
之後我教位燒左亂擊同小喬...對埋一埋拆柵攻...對手拍左下防柵
係最後既5C比我張昭 同張欽各打一下...看城血係差唔多
而且對手防守得唔係咁好先比我-6地贏少少(個時以為輸但大軍師話贏=])
結果贏絛毛升左上2品...之後打個2場都好輕鬆咁贏左
今日打左15場...15場全勝真係好-6=]
最後中埋金真係好開心=]

日劇

近排返工冇野做看左1套日劇<血色星期一>
真係唔錯~

而家看緊<流星之絆>
幾好聽既主題曲

今日打機一個字"亂"

今日落場打左2條左右係咁輸......
完全打到好亂該燒個時冇燒到...盡管開幕囉到優勢但係唔識攻
中段佈局進攻亂到七彩完全做唔到平時應有既打法
又再一次忘記左2支槍細力...唔識去護住/.\
看黎真係要好好學下計略既使用
同埋對住某d deck時邊一只係可以死邊一只係一定唔可以死
注意守城個時弓既射擊位置同走射既時間
雖然好多人都話光嘉難用~但我都唔想咁快轉deck住
希望可以打好d啦=[

唔夠訓既情況下打機....=[

今朝收左工由於好想打機於是就落左lg(因為差一場升四品)
一落到去4部機冇人打...(8:45am好正常者=.=)
於是同阿姐唱左條$5唸住升左就走啦......點知出事>_<
好啦大多廢話講下今日輸個幾場啦.....
第一場 光嘉vs 十級指揮官1勝0敗...(2.1奧義 王平 孟達 嚴顏 人馬趙雲...好似係全2代卡)
開幕對手趙雲同諸葛亮壓落黎想開伏,我孫堅停騎磨諸葛亮槍護騎+走射先殺左諸葛亮
之後我壓前孫堅中伏 對手王平 孟達 趙雲打過黎 嚴顏偷城 孫堅守
對手孟達開左張玄 之後比王平同趙雲磨死2支槍 當時大家互有損傷之下 退回城叉血
去左6xC左右我齊人壓上去 由於我只周瑜遲遲未開伏(貪心唔想比佢諸葛亮開)
對手1只嚴顏偷城...孫堅回防...前場周瑜開伏 燒左對手王平 趙雲
周瑜 張玄 張昭攻城...諸葛亮出城磨張玄..死左 對手落雷劈死左周瑜(唔滿血 6城左右)
攻唔到當時對手已經再起左 到佢壓落黎 我孫堅同 蔣欽 守住
剩20c左右我再起單邊打上去 當時對手死剩諸葛亮 王平 孟達
壓到落去剩7c左右 對手開王平 (個時我應該燒/.\)
我開左3只天啟+蔣欽壓城 張玄埋左城比諸葛亮磨住周瑜係後面射剩返2c諸葛亮死左
就係攻到城的一刻天啟完左...就咁和左場升格戰
檢討:
1.早段應該開左周瑜出黎幫手
2.佈局太亂 同埋自己太過急攻
3.太過有自信輕敵左
4.尾後對手得返3只而自己又齊人 同埋當時對手爆車輪應該燒而唔係天啟壓落去
5.對戰局看得唔透徹

之後飛卡唔奮氣...再入錢打...
雖然贏左但係都係打得好亂下
到左第3場又遇到同一對手
今次打得謹慎左開幕同樣情況對手死諸葛亮 而我張玄係右邊伏左嚴顏+孫堅突擊殺左
單邊壓上唸住攻城 而這時對手孟達出現係城前攻城 我孫堅回防 結果賠了夫人又折兵
死左2支槍+輸左2下城...中段壓上攻城又比對手以落雷+磨白兵攻唔到 對手再起左守住
2xC左右我拍再起攻上去明知佢會落雷所以企埋左一齊第一下雷 張玄 蔣欲 孫堅各1
第2下雷 孫堅2下 蔣欽1下2只一齊死左/.\(連個天都唔幫我)
之後就咁輸左......
檢討:
1.開幕雖有優勢但卻低估左對左只伏偷城成為關建
2.沒有好好利同同瑜既堅燒
3.係唔應該比對手存到12士氣 沒有迫對手用士氣同打晒人地個陣

又輸多左場...減左2xx幾好肉痛
之後又入錢打 對到荷記人(右備) 8卦金魏延
開幕雙伏優勢 伏死張飛殺左翏化,張姬 張玄開左諸葛亮殺埋之後壓上去攻城
周瑜伏死魏延對手再起 打左3/4城血 對手開唯我殺左自己2只 個時拉左槍出黎唸住迎擊佢
點知距離太近死左張玄 張昭 周瑜 之後我同蔣欽頂孫堅突擊殺左魏延回防叉血
尾段對手出城我單燒張飛 對單劈我孫堅結果唔死仲有3成血 對手再2卦2騎 翏化偷城孫堅守
魏延拆柵比我柵後槍迎擊殺左之後殺晒佢所有人攻城落城
中左張r孫策/.\

到第6場對到sgp3代好龜既deck (周瑜 韓當 名君 孫恆 潘章 程普)對手3x%勝率
之前打過2次 對方打到好龜 12士氣唔攻 你攻既就燒你
本新已經知到對手既打法所以早段都將伏兵放前左早d開伏拆柵
張昭開左周瑜 而我周瑜開左對手潘章
殺左對手2支槍之後我拆柵死左槍+騎(張玄係敵人柵前準備偷城)
2支弓撤退 對手4支弓壓城 周瑜城邊出結果沒有果段咁燒對左2只而死左拍左再起輸1下城
當時張玄撞柵出左黎埋到城比對手孫恆頂住 於是我壓上去幫手殺左孫恆
對手再起出黎係打到城既一刻比對手燒死左攻城既張玄 孫堅
之後回城叉血中段對手壓落黎周瑜出城燒死左對手韓當 潘章 孫恆
對手亦燒死左我孫堅...我壓前(個時時間剩20c左右)
我4只打佢3只 我走射殺左周瑜 由於我死左孫堅 只可以靠2支攻城
我2槍埋城比對手殺左1支 之後周瑜攻城門 蔣欽爆弱體弓射
對手拍程普守我 而張玄比對手孫權磨死 最後死剩蔣欽輸左...
跟住出左sr李儒.....(最唔想中...中親都唔方好野)
檢討:
1.開幕太大貪 應該拆2下柵就走唔應該死晒2支槍
2.當對手壓落黎個時張玄沒有即刻撞柵開伏出黎引對手回防
3.當對手4只壓落黎個時 周瑜城邊出個下應該再燒沒燒到比人射死以致拍兵法輸城血
4.尾段雖然燒左對手3只但係由於孫堅避火個位出現問題以致死孫堅攻唔到城

再唱左100蚊打
第8場 對手 係太尉 呂布wara


開幕周瑜伏死對手張粱 殺左支槍同細騎對手撤退
80c左右張玄偷城伏開伏開左于吉因為步兵快對手于吉追我支槍孫堅出城護 對手撤退
中段9士氣對手左右偷城城中間米 呂布 于吉 一支槍 個時見對方冇爆陣略就已估到對手打再起
對手沖水 沖左我3只死左孫堅 而我燒死左對手呂布+于吉
由於我被沖到2支槍死左 我被迫拍再起守 結果比對手張粱打左下城
之後我齊人滿血到30c出城 對手同樣右左偷城我先突死左對手張梁再中間壓上
對手沖水只沖到孫堅仲要唔死 而我燒死對手張魯 呂布 之後攻城
當時再輸多下城血孫堅回防守只偷城馬以我3路攻城 蔣欽射對手死埋于吉同支槍拍再起
我順利1下槍兵城邊一下中門追返城血 而對手呂布出城爆天下無雙我即燒
最後孫堅殺左偷城只馬上前幫手 最後落城勝利+左84武勇=]
打左個討伐轉機再打多個討伐6連升左上4品再中左張sr陸遜=]

是日就咁完結返歸訓覺=[

順利升上五品

昨晚係荷記食完晚飯唸住看多陣就早D返屋企訓......
最後都忍唔住打左條半=[
成晚都係對到霸求=[



我自己打光嘉其實都好蝕......因為好多時燒得唔靚既情況下都對手開霸求壓爆左城=[
一落場打左幾場6場4勝2敗.....狀態真係嘛嘛......之後唱多一條打(因為部機未中金=[)
而狼神&M哥又係隔離咁咪打多陣囉...
打完一場霸求又黎一場><
本身一開始打光嘉對到霸求都打定輸數架啦...因為係好識打...而且成日燒都燒得唔靚而輸城之後追唔返
以我自己黎講打左一個星期3.0見霸求多數都係增援...係E種情況下燒得靚就一定有得打
仲有開幕最主要係令孫堅唔好死...盡量用張昭開伏
琴晚唱完錢既第一場當時對手係傳統5騎霸求3伏(唔要樂進要劉曄)
開幕90C度張昭開左曹操之後被3騎突死...去到75C左右對方壓落黎張玄係右邊城角準備偷城
曹操食左下迎擊之後開左周瑜...之後狼神叫我"燒啦3只丫!燒左佢打J"之後我對準3只即燒
燒死對方曹操,曹仁,龐德之後單邊壓城~張玄開伏埋城打城張昭開左賈羽孫堅突擊加走射殺左賈羽
5只埋城打到對方5XC左右落城勝利=]
之後對到既霸求都以靚位既堅燒順利贏左~係M哥既提點下打左個9連去到升4品戰^^
PS.最後一個討伐中左SR關羽=]

是日狀態嘛嘛

1.今日打左5場輸左2場
2.對忠義一個判斷足以輸
3.控兵好有問題
4.又明白左套deck既打法...因為槍細力...下下都唔識護
5.堅輸完中左sr劉備....阿matt中sr關羽=]
6.M哥升左太尉=]

3.0從頭再學起

轉左3代都差唔多一個星期了~
這一個星期都打左好多差唔多玩左半張ic
都係打同一套deck


感覺幾好~但有待改善
因為太多人用霸求同忠義都係輸多贏少
但都掌握到少少野~希望可以有幫助=]